Бидний тухай

Ойрад Түмэн ТББ тухай

Ойрад Түмэн ТББ-нь 2013 оны 9 сард байгуулагдсан. Ойрад ТҮмэн төрийн бус байгууллагын гол зорилго нь монголын үндэсний язгуур урлаг болон хэл соёл , ахуй соёл , нүүдэлчин зан заншил гэх мэт биет бус өв, икэл, цуур, товшуур зэрэг язгуур урлагын хөгжмийн зэмсэгийн , хийц дуугаралт зэргийг язгуур утгаар нь авч үлдэхээс гадна бусад мартагдсан хийц дугаралтанд судалгаа хийж язгуур утгаар нь сэргээх , мөн түүх дурсгалын хүн чулуун хөшөө, хиргисүүрүүд , хадны сүг зураг, булшнууд зэрэг тэмдэглэгдсэн болон тэмдэглэгээгүй түүхийн биет өвүүдийг нутгын иргэдийн оролцоотойгоор илрүүлж улсын санд бүртгүүлэх хамгаалах явдал юм. Монголын соёлын үнэт өв Үндэсний язгуур урлагыг сэргээх , хойч үедээ өвлүүлэн үлдээх энэ ажлыг 2006оноос “Онцын Тасархай” ХХК-ны дэргэд “ Баруун Монголын язгуур урлагын наадам , хүүхдийн мини наадам нэртэйгээр жил бүрийн 8.4-нд зохиож ирсэн. 2011 оноос хүрээгээ тэлж өргөжин “Ойрад Түмэн” Олон улсын язгуур урлагын наадам болгож Шинжан, Уйгур , Халимаг , Тува , Горный Алтайн Монголчуудыг хамруулан томоохон хэмжээний наадам болсон явдал билээ.

2006-2010 оноос “Баруун Монголын язгуур урлагын ба хүүхдийн наадам” нэртэйгээр хамруулж , 2010-2013 онуудад “Ойрад Түмэн Язгуур Урлаг ба хүүхдийн мини наадам нэртэйгээр өргөжүүлэн баруун Монголын язгуур урлагын ардын авьяастангууд , сайн дурын язгуур урлагын авьяастангуудтай болон Тува , халимаг , Горный алтай , шинжаан уйгурын язгуур урлагын авьяастангууд оролцон олон улсын шинжтэй болон өргөжин тэлсэн . Уг наадмыг жил бүрийн 8.4нд “Онцын тасархай” ХХК компаны “Оршин тогтнохуй” жуулчны баазын дэргэд эвент болгон зохион байгуулж ирсэн. 2013 оноос уг наадмын хүрээ тэлж дан ганц ХХК-ны үйл ажиллагаанд дэндүү ахадсан арга хэмжээ болж байгаатай холбоотой 2013.9 сард “Ойрад Түмэн” ТББ-г байгуулж тусдаа бие даасан үйл ажиллагаа болгон зохион байгуулахаар төлөвлөгдсөн. Увс нутгын болон баруун аймаг , халимаг , тува , шинжааны ард түмний хүсэн хүлээдэг наадам болж чадсан.